Jesus

Profila

Lagunak

Honen lagunak:

Bloga

Fitxategiak

Orriak

Jesus
orain dela 848 egun

Kaixo guztioi eta basarkada bana hasteko,

sartu berria naiz taldean eta zirikatzeko gogoarekin etorri naiz, zirikatu baina era onean noski. Nonbaitetik hasi behar eta terminologia partekatua eraikitzea otu zait taldeak emaitza oparoak eman ditzan.

Horren haritik, hitzen haritik alegia, zalantzan jarri nahi dut jabetza intelektuala moldea, denok ulertzen dugun kontzeptua da eta horren aldetik baliagarria da baina...     ez litzateke hobe izango egileen eskubideak moldea erabiliko bagenu?

Zuk zer uste duzu?

J.

Txopi

Profila

Lagunak

Honen lagunak:

Bloga

Fitxategiak

Orriak

Txopi
orain dela 848 egun

Aupa Jesus, ongi etorri!

Nire ustez termino biek gai berdinari buruz hitz egiten dute. Egile eskubideak izateko lanaren jabea izan behar zara. Jabetza intelektualik gabe ez dago egile eskubiderik, eta alderantziz, egile eskubideak badira jabetza intelektuala aintzat hartzen delako da.

Jabetza intelektuala aukeratu badut izen bezala, gai hauek arautzeko erabiltzen den terminoa hauxe izaten delako da (ez beste ezergatik). Lege horietan egileen eskubideez hitz egiten da baina baita egileenak ez diren eskubideez ere (zita eskubidea, komunikazio publikoa egiteko eskubidea, hedabideek dituzten salbuespenak eta abar).

Egia da hala ere, jabetza intelektualaz gain badirela erlazioa duten beste termino batzuk ere: jabetza industriala, patenteak, etab. Beraz, gauza guzti hauek biltzen dituen terminorik ezagutzen ez dudanez, bat aukeratu dut. Baina taldearen izena, deskribapena eta deskribapen laburra aldatu daitezke eta beraz nigatik, ez dago inolako arazorik datu hauek aldatzeko. Izan ere, ziur nago aztertuko ditugun gaiak berdinak izango direla :-)

Zuek esan!

luther blissett

Profila

Lagunak

Honen lagunak:

Bloga

Fitxategiak

Orriak

luther blissett
orain dela 848 egun

egileen eskubideak termino oso zabala da, egileek eskubide asko baitituzte ez dutenak zerikusirik (zuzenik ez behitzat) jabetza intelektualarekin. horregatik gustatzen zait niri jabetza intelektuala, zuzenean hartzen baitu tratatzen den gaia, sorkuntza eskubideak, egiletza eskubideak (egiletza esaterik badago, ze ez det inoiz entzun) ere egoki ikusten ditut, azkenean erreferentzia sortuari egiten baitiote, ta ez sortzaileari.

egileen eskubidea ere bada greba egitea (adibidez gidoilariek egin zuten bezala estatu batuetan duela ez asko), ta ez naiz ni izango hor sartzen dena, horregatik diot ez dela guztiz egokia planteatzen duzuna.

ta orain har beza hitza dakien jendeak, gehienbat ikasteko sartu naiz eta.

editatua: beti berandu...

Jesus

Profila

Lagunak

Honen lagunak:

Bloga

Fitxategiak

Orriak

Jesus
orain dela 848 egun

Hor dago kezka, nahiz eta legeak "propiedad intelectual" kontzeptua darabilen ez dakit nik zuzena den. Nire zalantza ez da itzulpena  (euskaraz "jabetza intelektuala" esango genukena) nire zalantza egile baten intelektutik sortutako horri "jabetza" deitzea.

Egileak sortutako hori "jabetza" bada, edozein jabetzaren erregimena mereziko luke, eta argi dago hori horrela ez dela. Egileak sortutakoari "jabetza intelektuala" esaten zaio prezeski jabetza ez delako, jabetzaren pareko zerbait delakoan jarri behar zaio "intelektuala" gehigarria.

J.

H. Etxeberria

Profila

Lagunak

Honen lagunak:

Bloga

Fitxategiak

Orriak

H. Etxeberria
orain dela 848 egun

Kaixo,

Jabetzaren gaia asko interesatzen zait, horregatik nago hemen eta asmoa dut, ahal den neurrian gauzak galdetu, esan eta eztabaidatzeko. Norekin, ordea? Nortzuk zarete ezizenen eta argazki faltsuen azpian gordetzen zareten zuek? Zergatik ez duzue, behintzat, izen eta abizenez sinatzen?

Horrek horrela behar badu, igoal ez da hau niretzat lekurik aproposena. Ikasia daukat anonimoen foroek porrot dagitela, errazegi hasten dela jendea iseka eta gaizki esaka.

Gauzak nola doazen begiratu beharko, ezer esaten hasi baino lehen.

Txopi

Profila

Lagunak

Honen lagunak:

Bloga

Fitxategiak

Orriak

Txopi
orain dela 848 egun

Jesus, oker ez banago, diozunak beretasun kontzeptuarekin ("suidad") erlazioa du, egilea bere lanaren jabea baino aita modukoa izango bait litzateke. Gurasoek semealabak sortzen dituzte baina ez dira beraien jabeak, ezin dute beraiekin nahi dutena egin. Zaindu egin behar dituzte, elikatu, hazten lagundu.

Haurrekin gertatzen den bezala, gurasoek beraiekiko eskubide batzuk dituzte eta ez dago bat ere argi eskubide horiek zeintzuk diren. Garaiaren arabera eta lekuaren arabera, hau da, gizartearen arabera, egileek eskubide batzuk edo beste batzuk dituzte. Muga etengabe aldatzen eta bihurtzen doa eta herritar desberdinen ikuspuntuek zizelkatzen doa. Beno, horrela izan beharko luke gutxi gora behera :-)

Hasier, hain dira urte asko nire ezizena erabiltzen dudala sarean, jada nire beste izena ezanguratsua ez dela. Nongoa naizen, zenbat urte ditudan, zertan lan egiten dudan eta horrelakoak jakin nahi badituzu nire bloga begiratu besterik ez duzu. Horretarako "Txopi" dakarren lekuan klik pare bat eta kitto. Fisikoki nolakoa naizen jakin nahi baduzu, Sautrelak aspaldi liburu elektronikoei buruz egin zuen programa begiratu.

Hala ere, esan beharra daukat niri pertsonalki ez zaidala asko axola norekin hitz egiten dudan. Esan nahi dudana da, pertsona batek foro batetan parte hartzerakoan bere izaera erakusten duela eta nola edo ala, konturatu gabe bada ere, bere nortasuna eraikitzen duela. Zentzu horretan, Luther Blisset izen ordearen atzean nor edo nortzuk dauden ez jakitera ohitu naiz. Horren antzeko zerbaiti buruz saiatu nintzen behin zurekin hitz egiten.

Pertsona batek dioena interesgarria bada, ematen dituen argumentuek zuretzat zentzua badute, izen horren atzean 50 urteko idazle bat edo 15 urteko nerabe bat egon, niri gutxi gora behera berdin zait. Software libreko proiektuak, Wikipedia bezalatsu, meritokrazia delakoarekin funtzionatzen dute eta ondo funtzionatu ere. Erabiltzaile baten inguruko testuinguruak lagun dezake, baina izen abizenak edo adinak adibidez okerreko ondorioak eta muinarenganako atentzioa galtzera eraman gaitzake. Hacker batzuek, naiz eta nerabeak izan, gai zehatz batzuri buruz nik inoiz jakingo dudana baino gehiago dakite. Eta mundua mota guztietako hackerrez josita dago, beraz, Internet bezalako medio honetan, argumentu egokiak erabiliz, ikasle batek katedratiko bati irakatsi diezaioke. Gutxitan baina gertatzen da eta mundua ez da inolaz ere bukatzen horrelako egoeretan. Alderantziz, Interneteko abantailetako bat bezala ikusten dut. Beraz, onartu nahi baldin bazenu, nire gomendioa, bai hemen bai Interneteko beste leku askotan, sare bateko partaideen jatorriak, heziketa eta jakintzak etengabe asmatzen ez jardutea da. Sorpresa dexente hartu ondoren, nik behintzat hori egiten dut. Horrela niretzat baliogarriak izan daitezkeen gauzak ikasteko aukerak handitu egiten ditut gainera.